Þetta fallega 5 svefnherbergja hús er staðsett á Costa Adeje, í rólegu hverfi sem kallast Roque del Conde. Svefnpláss fyrir 10 manns. Fjarri ys og þys miðbæjarins og því fullkomið til að njóta rólegheita með fjölskyldunni. Bílaleigubíll eða leigubíll er nauðsyn og næg bílastæði fyrir utan húsið.
Húsið sem er byggt á 520fm lóð er 240fm og efri svalir um 60fm. Upphituð einka sundlaug í garði ásamt gasgrilli, útihúsgögnum og sólbekkjum. Loftkæling í alrými. Búið er að skipta út einhverjum húsgögnum og sessum í garðinum 2025, við bíðum eftir nýjum myndum til að birta hér.
Á aðal hæð er stórt, nýtt fullbúið eldhús, rúmgóð stofa og borðstofa ásamt litlu baðherbergi. Eitt af 5 svefnherbergjunum er einnig á aðalhæð með tveimur 90 cm rúmum.
Hin fjögur svefnherbergin eru á annari hæð og öll með útgengi út á svalir. Hjóna svítan er með tvíbreiðu rúmi ásamt fataherbergi og “en-suite” baðherbergi með baðkari og sturtu. Eitt herbergi með tveimur 90cm breiðum rúmum og hin tvö herbergin með tvíbreiðum rúmum og eitt með en-suite baðherbergi, einnig er baðherbergi með sturtu á ganginum. Hárþurrkur eru á öllum baðherbergjum.
Nálægar strandir eru Torviscas ströndin og La Pinta sem er við Puerto Colón smábátahöfnina.
10-15 mín akstur í Siam Park, Siam Mall, La Caleta, Las Americas og Los Cristianos. Allt handan við hornið eins og sagt er!
X-Sur verslunarkjarninn (áður Gran Sur) er í ca 5 mínútna aksturs fjarlægð þar sem eru margir góðir veitingastaðir, Mercadona og fleiri verslanir.
Leiguverð 2025 er 2.940€ vikan + 350€ þrif.
Um jól & áramót er lágmarks leigutími 2 vikur, páska 10 dagar, og leiguverð 650€ nóttin + þrif.
Lausar dagsetningar má sjá í dagatalinu hér fyrir neðan.
Hægt er að óska eftir þrifum á meðan dvöl stendur fyrir 300€ og er þá líka skipt um rúmföt og handklæði.
Vinsamlegast bíðið eftir staðfestingu frá okkur um að tímabilið sem óskað er eftir sé laust.
Staðsetning er hér
Innritun er kl 16:00 og brottför kl 11:00.
